Unione dei Comuni della Bassa Valle del Tirso e del Grighine

Su Responsàbili de su servìtziu fait a sciri a is familiaris de totu is chi tenint unu progetu personalizau, cunformas a sa Lei 162/98, ca sa Giunta Regionali at deliberau de fai sighi de su primu dii de gennàrgiu de su 2022 is pranus personalizaus ativus a su 31.12.2021 e at stabilèssiu chi is pranus chi ant a essi ativaus a nou in su 2022 ant a cumentzai de su 1 de maju 2022 po is chi tenint una disabilidadi grai cunforma a s’art.3, comma 3 de sa Lei 104/92, tzertificada a su 31.3.2022. Po su chi pertocat is progetus personalizaus giai ativus a su 31.12.2021, ant a essi torraus a agiornai in is primus mesis de su 2022, cunforma a cantu dispostu in s’allegau A de sa Deliberatzioni n.9/15 de su 12.02.2013 (francu po cantu stabilèssiu in sa deliberatzioni n.50/44 de su 2021), at a tocai a agiornai sa scheda sotziali, cunforma a s’ISEE de su 2022, e si est netzessàriu sa scheda sanitària. A pustis chi bessit su Bandu fait a presentai sa domanda po annoai su progetu personalizau. Is progetus agiornaus ant a cumentzai de su 1.05.2022 cunforma a su tanti de dinai chi sa Regioni at a giai a su comunu.