Regione Sardegna
A intru de su 28 de gennàrgiu 2022 tocat a fai, sceti on.line, is scritzionis de is piciocheddus chi in su 2022-2023 intrant a sa scola elementari, a sa scola mèdia o a is scolas mannas.
S’arrecumandat de arrespetai sa scadèntzia de su 28 de gennàrgiu a is otu de merii ca, a pustis de cussa dii e de cuss’ora stabilias, su sistema no at a essi prus ativu e no at a fait prus a ddoi intrai.
Is genitoris o is chi sunt arresponsàbilis de su pipiu (tutoris o genitoris afidatàrius) depint intrai a su sistema ISCRIZIONI on line https://www.istruzione.it/iscrizionionline/ cun su SPID (Sistema Pùblicu de Identidadi Digitali), sa CIE (Carta de Identidadi Eletrònica) o eIDAS (Identificatzioni e Autenticatzioni Eletrònica), aìnturu de sa pàgina ant a agatai totu is informus chi ddis abisòngiant. Candu si fait s’iscritzioni tocat a ponni su còditzi mecanogràficu de sa scola chi est stètia sceberada.
Po is pipieddus chi in su 2022/2023 intrant a s’asilu invècias tocat a fai s’iscritzioni cun is mòdulus de paperi chi fait a nd’arretirai me in sa segreteria de sa scola o chi fait a ndi scarrigai de su giassu istitutzionali de s’istitutu cumprensivu.
Po totu is atrus informus fait a ligi sa tzircolari de su Digenti o a intrai a su giassu istitutzionali de s’istitutu cumprensivu de Simaghis-Biddobrana http://icsimaxis-villaurbana.edu.it/
a.f.