Regione Sardegna
Su responsàbili de s’àrea sòtziu amministrativa fait a sciri a chini totu est interessau ca fait a presentai domanda po aprontai una graduatòria de is benefitziàrius de su “Rèdditu de Inclusioni Sotziali” cunforma a sa Lei Regionali 18/2006 e interbentus po parai fronti a sa pandemia de sa Covid-19.
Fait a presentai is domandas, cunforma a cantu stabilèssiu in su bandu, de su 31 de su mesi de nadali 2021. Su tempus po presentai is domandas scadit su 17 de gennàrgiu de su 2022.
Comenti presentai sa domanda
Is domandas bolint mandadas in d-una de custas maneras:
-a s’indiritzu de posta eletrònica tzertificada Questo indirizzo email è protetto dagli spambots. È necessario abilitare JavaScript per vederlo. impari a sa fotografia o a sa scansioni de su documentu de identidadi de chini presentat sa domanda;
-a s’indiritzu de posta ordinària Questo indirizzo email è protetto dagli spambots. È necessario abilitare JavaScript per vederlo. firmada e scansionada impari a su documentu de identidadi de chini presentat sa domanda;
- in paperi, a manus me in is ufìtzius de su Comunu de Biddanoa Trushedu, ma tocat a pigai in antis un’ apuntamentu po no essi genti meda atrumada;
impari a sa domanda de contributu tocat a ponni custus documentus, si chi nou sa domanda no balit:
- sa fotocòpia, sena de autenticai, de unu documentu de identidadi e de su còditzi fiscali de chini firmat sa domanda;
- sa tzertificatzioni ISEE 2021 ordinària, in cursu de valididadi;
- sa domanda po pigai parti a su bandu;
- su tìtulu de sogiornu in règula po is extra comunitàrius.
S’arrecumandat de sighiri totu is dispositzionis stabilèssias in su bandu chi s’agatat publicau, e fait a ndi ddu scarrigai impari a is allegaus cosa sua, me in su giassu istitutzionali de su comunu de Biddanoa Truschedu https://www.comune.villanovatruschedu.or.it/.
Po totu is àterus informus in contu de su bandu fait a tzerriai a su 0783.607603 su martis, su mèrcuris e sa giòbia a mangianu de is 09.00 a is 11.00.