Regione Sardegna
Su Comunu de Zrofolliu at publicau un’abisu me in s’albu pretòriu innui si fait a sciri a totu is chi sunt interessaus ca su Cunsòrtziu po s’amparu de is produtzionis intensivas de sa provìntzia de Aristanis at giau sa comunicatzioni chi, inghitzendi de su 15 de martzu de su 2021, fait a firmai is tzertificaus po s’asseguratzioni cun tratamentu de favori po parai fronti a is destrossas naturalis po mori de su tempus malu, chi pertocant su beranu e s’istadiali de su 2021.
Po cali si siat informu fait a tzerriai a custus nùmerus: 0783.296040 o 349 65 82 238
Po ndi sciri de prus e po scarrigai sa comunicatzioni de su Cunsòrtziu po s’amparu de is produtzionis intensivas de sa provìntzia de Aristanis, fait a cracai innoi, s'atu est su n.129. (s.m.)