Regione Sardegna
Is utentis de su Cunsòrtziu de bonìfica de sa zona de Aristanis ant a tenni a disponimentu un’àteru mesi de tempus, passau su 31 de martzu, data chi a printzìpiu aiant stabiliu comenti de ùrtima po nci mandai is domandas de is utèntzias po acuai.
Fait, duncas, a nci presentai is domandas finsas a su 30 de abrili, est a nai a su mesi chi intrat, francu po su chi pertocat su manixu de sa canciofa, po custa sa data ùrtima est fissada po su 30 de làmpadas de su 2021, siat me in sa sea de Aristanis siat po cussa prus a làcana de Marrùbiu, cunforma a su chi at nau su presidenti de su Cunsòrtziu Carlo Corrias.
Custu est su chi at stabiliu su consillu de amministratzioni poita ca sunt mudadas is maneras de cuncordai is cosas po mori de s’emergèntzia sanitària de sa Covid-19 chi est sighendiancora, e finsas po giai arrespustas a is assòtzius de categoria e a is sìndigus de su territòriu chi ant apretau a su Cunsòrtziu.
S’arregordat a totu is chi sunt interessaus ca, po chi sa domanda insoru de utèntzia po acuai siat pigada in cunsidèriu, tocat a averiguai de ai pagau totu is contributus chi si depiant a s’enti, cunforma a su chi at nau su diretori generali de su Cunsòrtziu, Maurizio Scanu.
Fait a nci presentai is domandas de is utèntzias po acuai o a manu, in sa sea de su Cunsòrtziu, o cun sa mail a s’indiritzu Questo indirizzo email è protetto dagli spambots. È necessario abilitare JavaScript per vederlo., cun sa documentatzioni chi fait a agatai me in su link https://www.bonificaoristanese.it/domande-irrigazione.
Cumpilendi sa domanda 2021 fait a curregi, s’in casu ddoi at faddinas, is datus giai mandaus in antis.
Is nùmerus de telèfonu chi fait a fai po pregontai cali si siat acraradura, sunt custus: 0783 3150205 – 3150209 – 3150210 – 3150211 po sa sea de Aristanis; 3669091628 (sa giòbia a primu merii) e 3357181572 (su lunis a primu merii) po sa sea de Marrùbiu. (s.m.)