Regione Sardegna
Est ativu su giassu www.bonusacqua.it, a innui is utentis podint intrai po domandai su bonus ìdricu integrativu po su 2021. Su bonus est un’agiudu in dinai chi at postu a disponimentu s’Egas (Enti de guvernu de s’àmbitu de sa Sardìnnia) po is utentis prus in dificultadi chi sunt residentis me in is Comunus innui ddoi est Abbanoa Spa.
Su tanti de su bonus est de 25 èurus po dònnia cumponenti de sa famìllia cun d-un' ISEE chi non propassit is 9 milla èurus, est invècias de 20 èurus in casu de un’ISEE prus artu de is 9 milla èurus e chi non propassit is 20 milla.
Po fait sa domanda ddoi at tempus finsas a su 31 de su mesi de maju.
Is domandas, beni cumpiladas e acumpangiadas de sa còpia de unu documentu de identidadi, de s’ISEE e de una bulleta intestada a chini pedit s’agiudu, fait a ddas presentai online in su giassu www.bonusacqua.it o a nci ddas portai in deretura a manus a s’ofìtziu de su protocollu de su Comunu de residèntzia. Fait finsas a mandai sa domanda a su Comunu de residèntzia cun sa posta eletrònica o cun d-una arrecumandada A/R. Me in su giassu istitutzionali de su Comunu de Simaghis fait a ndi scarrigai su mòdulu de cumpilai po fai sa domanda. (a.f.)