Regione Sardegna
Su Comunu de Ollasta at aderiu a su sistema natzionali de is pagamentus PagoPa, sa prataforma chi permitit a is tzitadinus e a is impresas de fai is pagamentus a is amministratzionis pùblicas e a is chi spòddiant servìtzius de utilidadi pùblica in manera eletrònica.
ITA EST
PagoPa est una prataforma chi permitit a is tzitadinus e a is impresas de podi pagai in manera eletrònica a s’amministratzioni pùblica, e permitit a s’utenti chi impreat su servìtziu, de sceberai comenti pagai (a mesu de banca, istitutu de pagamentu, posta) e su canali tecnològicu chi dd’agradessit de prus. Sunt unas cantas arrègulas, standard e ainas stabilias de s’agentzia po s’Itàlia digitali e atzetadas de s’amministratzioni pùblica, de is bancas, de sa Posta e de àterus istitutus de pagamentu (prestadoris de servìtzius de pagamentu - PSP) chi ant aderiu a s’initziativa.
PagoPA assegurat a privaus e aziendas:
- seguresa e afidabilidadi me in is pagamentus;
- semplitzidadi e flessibilidadi in su scèberu de is maneras de pagai;
- trasparèntzia me in is spesas de commissioni.
PagoPA assegurat a is amministratzionis pùblicas:
- seguresa e incassu de su dinai in manera automàtica;
- de smenguai is spesas e sa standardizatzioni de is protzessus internus;
- semplificatzioni e digitalizatzioni de is servìtzius.
Su sistema PagoPA dd’at cuncordau sa AgID cunforma a s’art. 5 de su Còditzi de s’amministratzioni digitali e de su D.L. 179/2012. AgID at aprontau is lìnias ghia chi stabilint is arrègulas e is maneras po fai is pagamentus eletrònicus e at aprontau finsas s’impiantu tecnològicu Nodo dei Pagamenti-SPC, chi assegurat chi is operadoris de su sistema traballint a manus de pari.
COMENTI FUNTZIONAT
Culleghendi.sì a su portali PagoPa de su Comunu de Ollasta, si podint sceberai duus diferentis genias de pagamentu:
PAGAMENTU CUN ABISU candu s’arricit un’abisu de pagamentu in paperi bessiu de su Comunu (po esèmpiu de pagamenta).
PAGAMENTU SENA DE ABISU po totu is àteras genias de pagamentus.
Fait a pagai inderetura de su portali, cun ainas eletrònicas, oghinou tocat a fai e imprentai un’ abisu in paperi e a ddu amostrai in banca, posta, ricevitòria, app) po acabai su pagamentu.
Me in su portali ddoi at un’àtera setzioni innui s’agatat s’archìviu de is pagamentus e is ricevutas.
ITA FAIT A PAGAI
Su sistema PagoPa de su comunu de Ollasta est giai ativu po pagai:
pesonis (de terrenus o àterus fàbricus comunalis);
cuntzessionis po campusantu (nìcius, tumbas);
deretus de segreteria (po tzertificaus, cartas de identidadi, tzertificaus de destinatzioni urbanìstica, etc…);
deretus de àteras genias (po àteras genias de pagamentu diferentis de cussas giai nadas, comenti de sa mensa scolàstica o is cànonis po ocupai terrenus pùblicus). (a.f.)