Regione Sardegna
Su Presidenti de sa Regioni, su 15 de martzu de su 2021, at firmau s’ordinàntzia n. 8 chi inghitzendi de oi, 16 de martzu, perlongat is disponimentus giai in vigori finsas a su 6 de abrili.
Cunforma a is ùrtimas ordinàntzias regionalis giai bessidas no ddoi at mudaduras, difatis:
- Is ristorantis ant a abarrai abertus finsas a is 23.00 de noti e is tzilleris, pub, tzìrculus privaus finsas a is 21.00. A tenori de comenti at a mudai sa situatzioni s’at a biri, vatu andendi, si at a fai a torrai a aberri is palestras, piscinas, scolas de ballu e is museus, logus de cultura e tzentrus cummertzialis in sa coa de cida.
- Non s’at a podi bessiri de is 23.30 a is 05.00 de mangianu francu po apretu mannu, traballu e saludi.
- Po parai fronti a s’emergèntzia abarrat totunu a in antis su divietu de fai atropèllius de genti me in foras de is localis pùblicus, annanti de is scolas, in pratzas e bias pùblicas, lungomare e belvedere.Tocat a arrespetai sa distàntzia de unu metru de pari a pari e a si ponni sèmperi sa mascheredda, in cali si siat ora de sa dii, me in logus serraus e in foras puru.
Is disponimentus stabilius in s’ordinàntzia non balint me in cussus territòrius comunalis sardus innui, po mori de sa spraxidura de su virus, ddo at giai ordinàntzias sindacalis e restritzionis prus grais de arrespetai.
In finis su Presidenti domandat a is Ofìtzius territorialis cumpetentis de su Guvernu de afortiai is controllus de is fortzas de s’òrdini, me in totu su territòriu regionali, po assegurai chi siant arrespetaus is disponimentus de custa ordinàntzia e totu is normas contra de sa spraxidura de su virus. (a.f.)