Regione Sardegna
Su sìndigu de Simaghis fait a sciri ca podint fai su tamponi antigènicu gratis is tzitadinus chi su 16 de martzu a merii, de is 17.00 a is 18.00, ant a lompi a su Tzentru sotziali de Simaghis. Po podi pigai parti a sa campànnia de preventzioni contra de sa Covid -19 tocat a firmai s’autorizatzioni e a pustis, a tenori de sa genti chi ddoi at a essi, s’at a podi fai su tamponi.
Cust’ora est lassada a posta po chini no tenit fillus studiantis (o ddus tenit giai mannus) chi sunt giai stètius tzerriaus a fai su tamponi. Giadeus sa possibilidadi de ddoi pigai parti a prus famìllias chi fait!
Po su chi pertocat is tamponis de fai a totu sa populatzioni scolàstica, de dònnia òrdini e gradu, de su Comunu de Simaghis si fait a sciri ca s’at a sighiri custu calendàriu:
MARTIS SU 16 DE MARTZU
De is 15.00 a is 15.30 - Personali de sa scola (docentis e collaboradoris)
De is 15.30 a is 16.00 - Genitoris de is pipius de sa scola de s’infàntzia e de s’asilu parrochiali (chi ant firmau s’autudecraratzioni)
De is 16.00 a is 17.00 - Genitoris de is pipius de sa scola primària (chi ant firmau s’autudecraratzioni)
De is 17.00 a is 18.00 - Si lassat logu a totu is tzitadinus chi bolint pigai parti a sa campànnia de preventzioni (ma innantis depint giai s’autudecraratzioni in su Tzentru sotziali)
MÈRCURIS SU 17 DE MARTZU
De is 15.00 a is 16.00 - Piciocheddus de sa scola mèdia (chi ant firmau s’autudecraratzioni)
De is 16.00 a is 17.00 - Piciocheddus de is scolas mannas (chi ant firmau s’autudecraratzioni)
S’Ofìtziu de is servìtzius sotzialis de su Comunu, s’in casu in s’autudecraratzioni siant stètias sinnaladas netzessidadis particularis, s’at a incurai de tzerriai in deretura a is interessaus.
S’Amministratzioni Comunali torrat gràtzias a totu is chi, cun responsabilidadi manna, sunt pighendi parti a custa initziativa.
Is abisus de s’Amministratzioni fait a ddus ligi in italianu puru in sa pàgina facebook istitutzionali de su Comunu de Simaghis. (a.f.)