Regione Sardegna
Cun sa deliberatzioni de sa Giunta comunali n. 13 de su 5 de martzu de su 2021 su Comunu de Biddanoa Truschedu at decrarau su stadu de destrossa naturali po mori de s’àcua meda chi at fatu de su mesi de donniassantu de su 2020 a su mesi de friàrgiu de su 2021 e chi at portau dannu mannu a is siendas de su territòriu.
Su Comunu, duncas, a pustis de ai arriciu totu is sennalatzionis de is dannus chi ant tentu is propietàrius de is siendas, pedit a sa Regioni arresursas finantziàrias in agiudu de is chi ant biu degollau totu su traballu insoru. (a.f.)