Regione Sardegna
Si fait a sciri a is interessaus ca finsas a su 16 de su mesi de abrili si podit fai domanda po intrai a fai parti de sa Cumpangia de is Barracellus de su Comunu de Simaghis.
Sa domanda bolit presentada a s’ofìtziu de su protocollu de su Comunu de Simaghis in una de custas maneras:
- a manus,
- in arrecumandada A/R;
- mandada a s’indiritzu de posta eletrònica tzertificada.
Is mòdulus s’agatant me in sa sea de sa Cumpangia barracellari de Simaghis e in Comunu oghinou fait a ndi ddus scarrigai de su giassu istitutzionali https://www.comune.simaxis.or.it/, innui s’agatat publicau s’abisu cumpretu puru cun totu is recuisius chi tocat a tenni po podi fai sa domanda.
Totu is chi tenint su disìgiu de diventai barracellus e de intrai a fai parti de sa Cumpangia de Simaghis depint fai sa domanda a intru de is 12.00 de su 16 de abrili e tocat chi tèngiant is recuisius previdius in s’artìculu n. 5 de su regulamentu in vigori de sa Cumpangia barracellari, chi bolint decraraus a suta de sa pròpiu responsabilidadi cunforma a is artìculus 46 e 47 de su DPR n.445 de su 28/12/2000.
Po ligi s’avisu cumpretu fait a intrai a innoi. (a.f.)