Regione Sardegna
A intru de su 29 de martzu de su 2021 fait a si nci scriri a unu de is cursus professionalis promòvius de s’Artigian Service. Is cursus sunt duus e pertocant unu sa manutentzioni de is giassus birdis (210 oras) e s’àteru is cumpetèntzias po si professionalizai in su setori de s’edilìtzia (162 oras). Po s’unu e po s’àteru ddoi at 12 postus a disponimentu. Sunt cursus gratis destinuaus a is disocupaus residentis me in Sardìnnia, chi ant cumpriu is 18 annus e chi tenint assumancus sa terza mèdia.
Is mòdulus de iscritzioni fait a ndi ddus arretirai in deretura me in sa sea de s’Artigian Service, in bia de Micheli Pira n.27 me in Aristanis oghinou fait a ndi ddus scarrigai de su giassu istitutzionali http://formazioneartigianservice.it/.
Po totu is informus e po chini tenit abisòngiu de una manu de agiudu a cumpilai sa domanda, fait a tzerriai a su nùmeru de s’ARTIGIAN SERVICE 0783.300296, a mangianu, de su lunis a sa cenàbura de is 8.30 a is 13.00 e a merii de su lunis a sa giòbia de is 15.30 a is 18.00.
In su giassu istitutzionali de su Comunu de Siapicia http://www.comune.siapiccia.or.it/ s’agatant publicadas is schedas informativas de is cursus e is mòdulus po fai sa domanda. (a.f.)