Regione Sardegna
Custa cida puru s’AVIS at cuncordau s’arregorta de su sànguni in unas cantu biddas de sa provìntzia de Aristanis. Custu domìnigu, su 14 de martzu, s’at a podit giai su sànguni in sa sea de s’AVIS de Simaghis.
S’AVIS arregordat ca podint giai su sànguni totu is chi tenint de is 18 a is 65 annus, mancai siant fàbicus o portadoris sanus de anemia mediterrànea, depint pesai assumancus 50 chilus e essi in saludi (non depint ai pigau mexinas a intru de pagu tempus e no depint essi fendi terapias).
S’AVIS comunali de Aristanis invitat a totu is sòtzius donadoris, e a chini totu est in saludi, a giai su sànguni cun arregularidadi me in su Tzentru de trasfusionis de su spidali: “su sànguni si podit giai in seguresa e sena arriscu perunu po su chi pertocat sa Covid-19”. (a.f.)