Regione Sardegna
S’assòtziu culturali Perda Sonadora de Sèneghe, chi dònnia annu cuncordat Cabudanne de sos Poetas, bolit fait a connosci a is letoris sa poesia chi personas de dònnia edadi scriint in Sardìnnia a dii de oi; in manera particulari s’assòtziu bolit giai atentu a is esperièntzias de scritura annoadoras chi, a prus de s’italianu, si faint in una de is lìnguas fueddadas in Sardìnnia. S’assòtziu bolit giai a is poetas e poetessas noitzus de sa Sardìnnia de oi s’importu chi si mèritant.
Difatis sunt medas diaderus is chi in Sardìnnia scriint poesias e chi si mèritant de essi incoraus e agiudaus a si fai a connosci, a cresci e a s’amelliorai. S’assòtziu culturali Perda Sonadora e su Cabudanne de sos poetas, bolit giai una manu de agiudu e si impìnniat a fai cantu est in poderi suu po custu obietivu.
Proponeus duncas a chini totu scriri poesias in sardu, in calisisiat variedadi cosa sua, o in catalanu, tabarchinu, galluresu o tataresu de nci mandai un’arregorta de poesias (màssimu 7000 caràteris o 800 versus) chi giait a sa giuria una bidea de sa calidadi de s’òpera sua. Sa giuria at a sceberai e a publicai in un’òpera sceti tres de is arregortas chi at a arriciri, ddas at a fai imprentai e presentai in pùblicu, cun is autoris presentis, candu s’at a fai s’editzioni de Cabudanne de sos Poetas de su 2022.
Is tres bincidoris ddus at a sceberai unu comitau formau de Mario Cubeddu, Maurizio Virdis, Luca Manunza, Simone Cireddu, Simonetta Milia, sa giuria podit domandai, s’in casu ndi tèngiat abisòngiu, s’agiudu de espertus o cullaboradoris. Sa publicatzioni s’at a fai me in sa collana “poesie2 de sa domu impretadora de s’assòtziu culturali Perda sonadora- Perda Sonadora Imprentas- chi in is annus passaus at publicau autoras e autoris comenti de Mariangela Gualtieri, Guido Guidi, Paolo Nori, Azzurra D’Agostino etc..
Is òperas fait a ddas incumentzai a mandai de su 1 de martzu de su 2021 finsas a su 31 de austu de su 2021 comenti est acrarau me in su regulamentu chi fait ligi innoi a suta. (a.f.)
Su mòdulu de adesioni fait a ndi ddu scarrigai de su giassu internet de s’assòtziu https://www.perdasonadora.com/concorso-domo-de-sa-poesia-concorso-di-poesia-per-autori-e-autrici-esordienti/