Regione Sardegna
“Po sa Sardìnnia, su sport rapresentat unu mezu de importu po sa promotzioni turìstica e sa Giunta regionali est ponendi in pei unu progetu de calidadi po fai de sa Sardìnnia s’ìsula de is eventus sportivus mannus”. Aici at nau s’Assessori regionali a su turismu, Gianni Chessa, in s’atòbiu cun Gabriele Gravina, presidenti de sa Federcalcio chi est arribau eriseru mangianu a Casteddu po chistionai cun is dirigentis de sa Federatzioni sarda.
"Gràtzias a su sport si podeus fai a connosci in campu natzionali e internatzionali puru e fai intrai sa bellesa e s’unitzidadi de sa Sardìnnia a is domus de is apassionaus de totu su mundu, finsas po su messàgiu positivu chi su sport podit giai in custu tempus difìtzili meda”.
A merii su Presidenti de sa Figc at abisitau su Tzentru federali de sa Rodia in Aristanis e at atobiau finsas a su sìndigu de sa tzitadi, Andrea Lutzu, e a s’assessori a su sport de su Comunu. (a.f.)