Regione Sardegna
Sa Assl n. 5 est circhendi a unu mèigu de mexina generali po traballai in s’àmbitu territoriali n. 1.4. de su distretu de Aristanis chi tenit 11 Comunus: Àllai, Ollasta, Samugheo, Siamaiore, Siamanna, Siapicia, Simaghis, Sabarussa, Biddanoa Truschedu, Biddobrana e Zrofolliu.
S’incàrrigu provisòriu po s’assistèntzia primària at a incumentzai de sa primu dii de su mesi de abrili po un’annu (e a dònnia modu finsas a candu no at a essi nominau su mèigu titulari).
Totus is mèigus chi tenint is tìtulus previdius de s’acòrdiu colletivu natzionali podint mandai sa domanda a intru de is 14.00 de su 22 de martzu de su 2021 a custu indiritzu de posta eletrònica Questo indirizzo email è protetto dagli spambots. È necessario abilitare JavaScript per vederlo..
Su mòdulu po fai sa domanda - paris a s’abisu- sunt publicaus in su giassu istitutzionali de s’ATS Sardegna e finsas in cussu de sa Assl de Aristanis. (a.f.)