Unione dei Comuni della Bassa Valle del Tirso e del Grighine

Proclamada cun risolutzioni ONU su 16 de nadali de su 1977 sa dii internatzionali de is deretus de is fèminas s’afestat s’8 de martzu de dònnia annu in totu su mundu. Connota de is prus comenti de festa de is fèminas, custa dii no bolit essi una ocasioni po fai festa ma, prus che àteru, una dii po si frimai a pensai a totu su caminu chi is fèminas ant fatu finsas a immoi, a is deretus sotzialis, polìticus e econòmicus chi ant otentu e a cantu caminu abarrat ancora de fai po favoressi su essi che a pari tra òminis e fèminas. Custa dii bolit essi finsas una ocasioni po non si scaresci ca fèminas meda, a dii de oi, sunt ancora vìtimas de formas diferentis de violèntzia e de discriminatzioni in totu su mundu.

Comenti at nau su Presidenti de sa Repùblica Sergio Mattarella “Su essi che a pari tra òminis e fèminas no est sceti una chistioni sotziali, polìtica e econòmica ma est primu de totu is àteras cosas una chistioni culturali”. (a.f.)