Regione Sardegna
Me in su Buras n.12 de su 25 de friàrgiu de su 2021 sa Regioni at publicau s’elencu de is àmbitus territorialis de assistèntzia primària abarraus sena de dotori de su 2018. S’elencu est bessiu impari cun su bandu diretu a is mèigus chi podint essi interessaus a unu postu de traballu a tempus indeterminau in una de custas seas de s’ìsula.
Po su chi pertocat sa Assl de Aristanis ddoi at a disponimentu 12 seas in su distretu de Aristanis, 5 in cussu de Bilartzi-Bosa e 5 in cussu de Abas-Terraba, est a nai 22 seas in totu. Sunt interessaus finsas unus cantu comunus de s’Unioni de sa Baddi Bàscia de su Tirsu e de su Grìghini.
Cunforma a su chi est previdiu a livellu natzionali, s’at a inghitzai a ponni a bandu is seas chi sunt sena de dotori de su 2018 e a pustis, cun unu bandu nou, s’ant a assenniai cussas de su 2019.
Is chi tenint is rechisitus po presentai sa domanda ddu depint fai a intru de su 12 de martzu de su 2021 mandendi una PEC a s’indiritzu Questo indirizzo email è protetto dagli spambots. È necessario abilitare JavaScript per vederlo., oghinou cun una arrecumandada A/R a sa Assl de Casteddu (bia Piero della Francesca 1, 09047 Ceràxius , CA). Is mòdulus po fai sa domanda bolint scarrigaus de su giassu internet de sa Regioni: www.regionesardegna.it o in deretura crachendi innoi.. (s.m.)