Regione Sardegna
De su 1 de martzu fait a presentai sa domanda po pigai parti a su cursu “Non solo miele”, editzioni de Simaghis, cuncordau de Istrù, cun s’agiudu de sa sienda de abis Arbaree po imparai s’arti de is abiaresus.
Sa punna est cussa de aberri una possibilidadi de traballu chi ndi boghit a pillu cumpetèntzias noas po avalorai su territòriu finsas po su chi pertocat s’allevamentu de abis.
Su cursu est a nùmeru serrau e a pagamentu, nci podint pigai parti de unu mìnimu de 20 a unu màssimu de 25 personas, sighendi s’òrdini de arribu de is domandas chi bolint mandadas a s’indiritzu e-mail Questo indirizzo email è protetto dagli spambots. È necessario abilitare JavaScript per vederlo.. Cunsiderendi ca su Comunu de Simaghis promovit e arricit custa faina, is postus riservaus a is simaghesus sunt 10. Non ddui bolit tìtulu de stùdiu perunu po partetzipai, tocat sceti a tenni assumancus 16 annus giai fatus.
Su cursu, chi at a partiri sceti si at a tenni mìnimu 20 iscritus, at a incumentzai in is primu diis de su mesi de abrili e at a acabai in su mesi de trìulas. Is oras de formatzioni teòricas e pràticas postas in contu sunt 80 e is fainas s’ant a spoddiai in s’arrespetu de sa normativa po parai fronti a sa spraxidura de sa Covid-19.
Po àterus informus fait a tzerriai a su nùmeru 349.4787356 o a nci mandai una e-mail a s’indiritzu Questo indirizzo email è protetto dagli spambots. È necessario abilitare JavaScript per vederlo., oghinou a castiai in is social o in su giassu internet: https://www.istru.it/project/corso-non-solo-miele/. (s.m.)
Po scarricai su mòdulu e po sciri comenti tocat a fai po s’iscriri, craca innoi.