Unione dei Comuni della Bassa Valle del Tirso e del Grighine

Tzidadinus garbosus,

su Comunu de Siapicia arrespetendi cantu previdit sa lei at ativau una manera noa po fai is pagamentas a su Comunu po mesu de PagoPa, chi comenti ais a sciri est una manera noa, luegus operativa finsas po su comunu cosa nosta, chi at a permiti de pagai in manera traditzionali (in banca e posta) ma finsas de su telefoneddu o de su computer puru cun sa carta de crèditu/dèpidu o cun bonìficu bancàriu.

In s’interis chi ant a arribai informus prus pretzisus a sa populatzioni, po immoi chini tenit giai cunfidàntzia cun is pagamentus eletrònicus podit inghitzai a s’informai e a provai cust’aina noa.

Ponimus po immoi a disponimentu 2 link diferentis. Su primu po is chi si narant “pagamentus spontàneus” chi non cumportant un’abisu de pagamentu de su comunu, cun un’intermediàriu tecnològicu Regioni Sardìnnia. Custu link est giai operativu e fait a provai po imparai.

Po s’àteru link invècias tocat a tenni unu “IUV”, est a nai unu còditzi ùnicu de versamentu chi cuncordat su Comunu e chi giait a is tzitadinus po su chi depint pagai.

De immoi a pagu tempus pensaus de arrennesci a unificai s’atzessu a PagoPa e de ponni a disponimentu unu servìtziu telemàticu nou: su Sportellu Online de su comunu. A si biri luegus e cun is àteras novas. 

Me in su giassu istitutzionali de su comunu de Siapicia s’agatant is link po is pagamentas e su de su Sportellu online.  (a.f.)