Regione Sardegna
Sa Regioni Sardìnnia promovit e cuncordat fainas in agiudu de is vìtimas de violèntzia e sunt medas is chi, impari cun is istitutzionis, sunt impenniaus a traballai po ascurtai, essi de agiudu e de amparu a custas personas.
Cun custa punna sa Regioni at aprontau unu libriteddu intitulau “Sa mere ses tue” innui s’agatant nùmerus, indiritzus e totu is informus utilosus chi sunt de importu po sciri ita, comenti e a innui podit andai a si fait agiudai una fèmina e is familiaris suus chi ndi bolit essiri a foras de una situatzioni de violèntzia e tratamentus malus.
S’afortiamentu de is tzentrus contra de sa violèntzia, s’amparu chi giaint is domus de acasagiadura, su de ponni a disponimentu de chini ddu pedit un’agiudu legali sena depit pagai nudda e su rèdditu de libertadi sunt solu unus cantu esèmpius de cussas mesuras de agiudu chi at cuncordau sa Regioni po parai fronti a custu fenòmenu sotziali de sa violèntzia contra de is fèminas. (a.f.)