Regione Sardegna
Sa Regioni, cun una detèrmina de s’Assessorau a sa Sanidadi, at aprovau su primu de is duus bandus in contu de assistèntzia primària chi ant a fai a manera de giai traballu a tempu indeterminau a is mèigus de basi in is ambulatòrius de s’ìsula chi sunt abarraus sena de dotori.
Cunforma a su chi est giai prevediu a livellu natzionali, su primu bandu at a pertocai is seas chi sunt sena de dotori de su 2018, 108 seas e, a pustis, at a bessiri un’àteru bandu po assenniai su mèigu a is ambulatòrius serraus de su 2019, àteras 29 seas, est a nai 137 seas in totu.
Is domandas bolint presentadas a intru de 15 diis de sa publicatzioni de s’Abisu me in su Bolletinu ufitziali de sa Regioni. Is seas chi ant a abarrai sena de assenniai in su primu bandu ant a essi torradas a ponni in contu in su de duus. (s.m.)