Regione Sardegna
Su responsàbili de is servìtzius sòtziu culturalis de su Comunu fait a sciri a totu is interessaus ca, finsas a is 13:00 de su 16 de martzu de su 2021, fait a presentai, is domandas noas (po totu is chi non tenint unu pranu personalizau) po cuncordai is progetus personalizaus, cunforma a sa Lei 162/98 po s’annu 2021, a tenori de is critèrius stabilius de sa Regioni cun deliberatzioni n° 9/15 de su 12.02.2013, chi ant a incumentzai su 1 de maju de su 2021. E intru de sa pròpiu dii fait a presentai totu is documentus po torrai a valutai is pranus ativus finsas a su 31 de nadali de su 2020 chi sa Regioni aiat perlongau.
Is domandas bolint cumpiladas sceti in su mòdulu aprontau a posta, chi s’agatat me in is ofìtzius comunalis o in su giassu internet de su Comunu de Àllai: www.comune.allai.or.it e tocat a ddas presentai a s’Ofìtziu de su Protocollu de su Comunu, a intru e no a pustis de su 16 de martzu de su 2021 a is 13.00, oghinou fait a ddas mandai a unu de custus indiritzus de posta eletrònica:
Questo indirizzo email è protetto dagli spambots. È necessario abilitare JavaScript per vederlo.
Questo indirizzo email è protetto dagli spambots. È necessario abilitare JavaScript per vederlo.
Paris cun sa domanda tocat a ponni custus àterus documentus:
- sa fotocòpia de unu documentu de identidadi de chini benefitziat de su progetu;
- s’ISEE de su 2021 in cursu de valididadi chi pertocat is rèdditus de s’annu in antis;
- sa decraratzioni sustitutiva de s’atu de notoriedadi, (allegau D)
- sa tzertificatzioni sanitària fata de su mèigu de famìllia (scheda de saludi-allegau B)
- su tzertificau de disabilidadi grai cunforma a sa L. 104/92 art. 3 comma 3, de tenni in manus a intru de su 31 de martzu de su 2021 (a dònnia modu, ant a essi pigadas in cunsidèriu finsas is tzertificatzionis definitivas de chini at fatu sa bisita a intru de su 31 de martztu de su 2021 mancai su tzertificau definitivu si ddu lassint a pustis de cussa dii).
Tocat a cuncordai un’apuntamentu cun s’assistenti sotziali de su Comunu po cumpilai impari sa scheda sotziali (allegau C).
Is chi sunt giai benefitziàrius de unu pranu personalizau podint presentai domanda po torrai a valutai sa situatzioni.
Su bandu e totu is documentus alliongiaus s’agatant publicaus in su giassu istitutzionali de su Comunu de Àllai e fait a ddus ligi innoi. (a.f.)