Regione Sardegna
Si fait a sciri ca sa Provìntzia de Aristanis at publicau unu bandu po giai contributus a is tzitadinus privaus po nci bogai su tzimentu-amiantu de is fàbbricus insoru chi s’agatant me in su territòriu de sa provìntzia.
Su tanti de dinai a disponimentu de s’Amministratzioni Provintziali de Aristanis est de 268.478,74 èurus in totu. Su tanti màssimu de dinai chi si podit giai po dònnia progetu est de 5.000 èurus.
Is domandas de finantziamentu, impari cun is àterus documentus, tocant chi arribint a s’Ofìtziu de su Protocollu de sa Provìntzia de Aristanis a intru, e no a pustis, de su 28 de friàrgiu de su 2021 in una de custas maneras:
- me in una busta serrada, scriendi a foras: Domanda de contributu po sa bonìfica de s’amiantu - Ofìtziu de su Protocollu de sa Provìntzia de Aristanis, bia de Carboni sena de nùmeru-09170 Aristanis - Setori Ambienti e atividadis produtivas;
- in formau digitali a s’indiritzu de posta eletrònica tzertificada Questo indirizzo email è protetto dagli spambots. È necessario abilitare JavaScript per vederlo. scriendi in s’ogetu :Setori Ambienti e atividadis produtivas.
Totu is domandas chi ant a arribai a pustis de sa dii stabilia, su 28 de friàrgiu de su 2021, (at a balli su timbru e su fòlliu de arritzidura de s’Ofìtziu de su Protocollu) no ant a essi pigadas in cunsidèriu.
Po totu is àterus informus fait a ligi su Bandu pùblicu e a castiai totu is allegaus (a.f.)