Unione dei Comuni della Bassa Valle del Tirso e del Grighine

Po mori de sa sighidura de s’emergèntzia sanitària de sa Covid-19, cunsiderau ca tocat a pigai provedimentus po no spraxi su virus e po amparai sa saludi de is prus dèbilis, su sìndigu de Biddanoa Truschedu, su 11 de friàrgiu, at firmau un’ordinàntzia. In s’ordinàntzia su sìndigu proibit, finsas a su 28 de su mesi de friàrgiu de su 2021, a totu is familiaris e parentis de is chi sunt arricoveraus me in sa “Comunidadi allògiu e integrada Santu Nàtziu de Làconi” de bia Regina Margherita n.22 in Biddanoa Truschedu, de lompi a ddus abisitai. Su sìndigu at dispostu chi, finsas a su 28 de friàrgiu de su 2021, nemus potzat intrai a sa strutura, francu totu su personali chi ddoi traballat, is operadoris sanitàrius, is figuras chi serbint po fai andai annanti sa strutura e totu is chi ant giai tentu sa dèlega finsas a su 28 de friàrgiu de su 2020. (a.f.)