Regione Sardegna
Cunforma a sa determinatzioni n. 174 de su 29.12.2020 chi torraiat a aberri is tèrminis po presentai domanda po arriciri is contributus po torrai a fai a nou is afaciadas de is fàbricus e po nci bogai su tzimentu amiantu de intru de sa bidda, pigau in cunsidèriu su nùmeru de is domandas chi sunt lòmpias a su Comunu a intru de su tempus stabiliu, cun sa determinatzioni n.6 de su 8 de friàrgiu de su 2021 de su Responsàbili de su setori tènnicu, est stètia aprovada sa graduatòria.
Po su chi pertocat su bandu po nci bogai su tzimentu amiantu de intru de sa bidda no at arribau a Comunu peruna domanda invècias po torrai a fai a nou is afaciadas de is fàbricus sunt arribadas 5 domandas in totu, cumpletas de is documentus pedius e presentadas a intru de sa scadèntzia stabilia.
A dònnia domanda at a essi giau unu contributu de su 75% (contendi s’IVA puru) de sa spesa de fai e, cunforma a su tanti de dinari chi su Comunu tenit a disponimentu, su contributu no at a propassai is 3.000 èurus in totu (contendi s’IVA puru) po dònnia domanda presentada. Su dinari s’at a giai sceti a pustis chi s’ant a presentai me in is ofìtzius de su Comunu totu is documentus chi cumprobant sa spesa fata po fai is traballus.
Sa determinatzioni s’agatat publicada me in s’albu pretòriu on-line de su Comunu de Biddanoa Truschedu. Po totu is àterus informus fait a tzerriai a custu nùmeru 0783-607603. (a.f.)