Unione dei Comuni della Bassa Valle del Tirso e del Grighine

Su sìndigu de Siamanna fait a sciri ca su Consillu comunali est cunvocau in setziada pùblica e straordinària, in sa sala de is cunvènnius de su Tzentru sòtziu-culturali in Pratza Funtà Naseddu, martis su 9 de friàrgiu a is 18.00 po arresonai de is chistionis postas in s’ òrdini de sa dii:

• L. R. 23.12.2006 NR. 23 - P.L.U.S. àmbitu distretu de Aristanis triènniu 2012/2014 - Annualidadi 2020. Regulamentu de su distretu po giai is servìtzius educativus. Pigadura in cunsidèriu de su verbali de s’assemblea N. 3 de su 14/10/2020.
• L. R. 23.12.2006 NR. 23 - P.L.U.S. àmbitu distretu de Aristanis triènniu 2012/2014 - Annualidadi 2020. Regulamentu de su distretu po giai su servìtziu de assistèntzia domitziliari e agiudu a sa persona e su servìtziu de pastus a domitzìliu. Pigadura in cunsidèriu de su verbali de s’assemblea n. 3 de su 14/10/2020.
• L. R. 23.12.2006 NR. 23 - P.L.U.S. àmbitu distretu de Aristanis triènniu 2012/2014 - Annualidadi 2020. Arricidura de is verbalis de s’assemblea N.4 de su 18/12/2020. Modalidadis noas po carculai sa cuota de s’utèntzia po su servìtziu de assistèntzia a domitzìliu e de is pastus a domitzìliu.
• L. R. 23.12.2006 NR. 23 - P.L.U.S. àmbitu distretu de Aristanis triènniu 2012/2014 - Annualidadi 2020. Arricidura de su verbali de s’assemblea N.4 de su 18/12/2020. Progetu sperimentali SAD Covid.
• Imposta Munitzipali Pròpia (IMU NOA) ANNU 2021 - Cunfirma de is alìcuotas de su 2020.
• Aprovu Regulamentu po su canoni patrimoniali po ocupu de terrenu pùblicu e amostu de publitzidadi e de su canoni de is mercaus.
• Aprovu mudaduras a su Regulamentu comunali po is incentivus e is agevolatzionis a is impresas chi traballant me in Comunu de Siamanna aprovau cun deliberatzioni de Consillu Comunali n. 51 de su 21.12.2020
• Aprovu Regulamentu po assinniai terrenus destinaus a insediamentus produtivus in s’àmbitu de su P.I.P.  (a.f.)