Regione Sardegna
Ddoi ant ancora pagu diis de tempus po is giòvanus intra de in 18 e 28 annus chi bolint presentai sa domanda po diventai operadoris volontàrius de su Servìtziu Tzivili Universali.
Is domandas po partetzipai bolint fatas online sceti, de su giassu serviziocivile.it, a intru de s’8 de friàrgiu de su 2021 a is 14:00.
Me in sa provìntzia de Aristanis is progetus a disponimentu sunt 48 e podint durai de 8 a 12 mesis, pertocant setoris de diversa genia, sunt finsas una bella pariga is entis chi ddus ant aprontaus e ddus podeis agatai allistaus innoi asuta:
- su Movimentu Cristanu Traballadoris at presentau unu progetu in Aristanis;
- s’assòtziu de volontariau “Il Sole” nd’at presentau unu me in Uras;
- is setzionis comunalis de s’Avis nd’ant presentau me in Gonnostramatza, Samugheo e Terraba;
- s’assòtziu po s’amparu de is animalis “I miei amici” nd’at presentau me in Bilartzi;
- s’assòtziu “La Strada” – Tzentru de servìtziu po su volontariau “Sardegna Solidale”-nd’at presentau me in Abas, Terraba, Bosa, Bilartzi, Mòguru, Samugheo e me in Aristanis;
- s’AIS (assòtziu interprovintziali de solidariedadi) me in Mòguru;
- s’assòtziu “La Coccinella” me in Terraba;
- s’Uisp me in Aristanis;
- sa cooperativa sotziali “L’Arca” me in Sèdilo e Bilartzi;
- s’Aism (assòtziu italianu sclerosi mùltipla) me in Aristanis, Abbasanta, Crabas, Gonnacodina, Useddus, Bidoniu, Sant’Antoni, Bàini, Mòdolo, Cùglieri, Mòguru, Pompu, Senis e Gonnostramatza;
- s’unioni italiana de is tzrupus e ipovedentis at presentau duus progetus me in Aristanis;
- sa cooperativa sotziali “Koros” me in Bilartzi;
- nd’ant presentau is Pro loco de Arborea, Ardaule, Aristanis e Sèdilo;
- nd’at presentau su patronau Enapa de Aristanis.
S’arregordat ca fait a presentai sa domanda finsas po progetus chi no s’ant a fai me in su comunu de residèntzia. (s.m.)