Regione Sardegna
Si fait a sciri a is tzitadinus interessaus ca fait a fai domanda po tenni agiudus econòmicus po pagai sa bulleta de s’àcua, su chi ddi nant “bonus sotziali ìdricu integrativu”.
Podit fai domanda:
- chini tenit un’ISEE chi non propassit is 20.000 èurus;
- chini tenit sa residèntzia in su logu de fornidura inditau in sa bulleta;
- chini tenit una tarifa de domu residenti o condominiali;
- chini fait parti de su pròpiu nùcleu familiari ISEE de s’intestatàriu de sa bulleta (in casu de utèntzia direta) o, a dònnia modu, de su nùcleu chi est residenti innia (po un’utèntzia indireta).
Paris cun sa domanda tocat a ponni finsas custus àterus documentus:
- documentu de identidadi de chini fait sa domanda;
- una bulleta de sa domu po innui s’est domandendi su bonus;
- còpia de s’ISEE ordinàriu chi balit a intru de sa data chi fait a presentai sa domanda.
Is domandas bolint presentadas a s’ofìtziu de su Protocollu de su Comunu de Siamanna a intru de su 30 de maju de su 2021.
Is mòdulus e su regulamentu po giai su Bonus sunt a disponimentu me in su giassu istitutzionali e in s’ofìtziu de is Servìtzius sotzialis de su Comunu www.comune.siamanna.or.it . (a.f.)