Regione Sardegna
Si fait a sciri ca sa RAS cun sa Determinatzioni n. 48 prot. n. 741 de su 29 de gennàrgiu de su 2021 at retificau s’abisu pùblicu “SINE LIMES” chi tenit sa punna de giai contributus econòmicus in “bonus de servìtziu” po agiudai a is personas chi tenint pagu autonomia.
Una de is mudaduras chi ant aprontau pertocat s’artìculu 6.1 Rechisidus po is chi ndi tenint deretu - 1. Rechisidus generalis, innui si ponit sa forma currègia: "Si tzitadinus comunitàrius, essi residentis o domitziliaus me in sa Regioni Sardìnnia".
Sa data chi aberint su sportellu po mandai sa domanda telemàtica, est su 5 de friàrgiu de su 2021 incumentzendi de is 9.00 oras, e duncas de is 9:00 de su 1° de friàrgiu de su 2021 finsas a is 8:59 de su 5 de friàrgiu de su 2021 fait a cumpilai sa domanda in modalidadi "botza" me in sa prataforma SIL.
Est cunfirmau ca su perìodu chi sunt ammìtias is spesas fatas po comporai is servìtzius cunforma a su bandu, andat de su 31 de nadali de su 2020 finsas a su 15 de santuaini de su 2021.
Po tenni agiudu in s’impreu de is servìtzius “on line” de su SIL Sardìnnia, fait a cuntatai a s’Help Desk a su nùmeru de telèfonu 070.0943232 o cun sa mail o cumpilendi unu form web aposta, comenti est nau mellus me is s’abisu intreu.
S’Help Desk de su SIL Sardìnnia est ativu de su lunis a sa cenàbura, de is 08.00 a is 14.00 e de is 15.00 a is 18.00.
S’arregordat ca po tenni informus in contu de custu abisu tocat a mandai is domandas a su Servìtziu de is Politìticas po sa Famìllia e s’Inclusioni sotziali de sa Diretzioni Generali de is Polìticas Sotzialis a custa e-mail: Questo indirizzo email è protetto dagli spambots. È necessario abilitare JavaScript per vederlo.
Po atèrus informus particularis o po connosci mellus is rechisidus, craca innoi po castiai s’abisu SINE LIMES, sa retìfica e is documentus allongiaus. (s.m)