Regione Sardegna
Giai chi s’impresa chi tenit in gestioni su servìtziu de sa regorta sceberada at fatu a sciri ca at agatau in mesu de sa plàstica e liàuna una cantidadi manna de sachitus cumpostàbilis e ca is sachitus cumpostàbilis, a bortas, sunt postus po nci fuliai sa plàstica, in custas diis passadas ant fatu controllus meda castiendi totu s’àliga de ndi arretirai e ant fatu a mancu de ndi pigai sa chi non fiat in règula, lassendi.ddi atacau unu bullete.
S’arregordat ca is sachitus cumpostàbilis bolint postus sceti po s’ùmidu orgànicu, invècias po sa plàstica e liàuna tocat a ponni unu sachitu mesu trasparenti (comenti ddoi est scritu in su papareddu allegau a su calendàriu de sa regorta) e de plàstica sceti, custu finsas po no fai amesturus e assegurai una calidadi prus bona de sa genia de àliga fuliada. (a.f.)