Regione Sardegna
Si fait a sciri a totu is interessaus ca finsas a su 12 de friàrgiu de su 2021 a is 13.00 fait a fai sa domanda po otenni su Bonus spesa cunforma a cantu previdit sa misura de “solidariedadi alimentari de su decretu Ristori ter. N.154 de su 23 de santandria de su 2020”. Podint fai domanda is famìllias formadas de tzitadinus italianus, comunitàrius o stràngius puru ma chi tenint unu permissu de sogiornu in règula e chi sunt residentis me in su Comunu de Zrofolliu, e finsas cussas famìllias cun unu genitori sceti, chi s’agatant in una situatzioni de dificultadi sòtziu econòmica o in una situatzioni de abisòngiu mannu po mori de s’emergèntzia de sa Covid 19, sena perunu rèdditu ne dinari postu a parti disponìbili me in banca o in sa posta.
Po dònnia àteru informu is interessaus podint pregontai me in s’ofìtziu de su Servìtziu Sotziali su lunis e sa cenàbura mangianu de is 10.00 a is 13.00 sceti tzerriendi a su nùmeru 0783/27000.
S’avisu pùblicu e su mòdulu po presentai sa domanda sunt publicaus me in su giassu istitutzionali de su Comunu de Zrofolliu https://www.comune.zerfaliu.or.it/ (a.f.)