Unione dei Comuni della Bassa Valle del Tirso e del Grighine

S’arregordat ca, inghitzendi de su 4 de gennàrgiu a ora de is 8:00, e finsas a is 20:00 de su 25 de gennàrgiu de su 2021, is famìllias podint presentai is domandas po s’iscritzioni de is fillus a sa Scola Primària e a sa Scola Segundària de I gradu, a mesu de su sistema de iscritzioni on-line.

Custa est s’ùnica manera po iscriri is fillus a scola, po ddu fai tocat a intrai a su servìtziu de iscritzionis on line chi est a disponimentu me in su giassu de su MIUR a custu indiritzu:  https://www.istruzione.it/iscrizionionline/ .

Po intrai tocat a tenni is credentzialis chi fait a pediri intrendi a custu indiritzu etotu. Is chi tenint su SPID podint intrai a su servìtziu cun is credentzialis insoru.

Custas istrutzionis balint po s’iscritzioni a totu is scolas francu a sa Scola de sa Pitzinnia, chi no bolit fata a custa manera, ma cun su mòdulu de paperi chi tocat a presentai a sa scola sceberada a intru de custas datas etotu.

Po ndi sciri de prus castiai:

Sa Tzircolari N. 53/2020_2021 e sa Nota MIUR prot.n. 20651 del 12.11.2020, chi règulat sa manera de iscriri is scentis a sa scola de pitzinnia e a cussas de dònnia òrdini e gradu po s’annu de scola 2021-2022.

S’arregordat ca sa Scola primària de Siapicia fait parti de s’Istitutu Cumprensivu de Simaghis, comenti de is àteras biddas de s’Unioni de sa baddi bàscia de su Tirsu. Custu no balit po Àllai chi fait arriferimentu a s’Istitutu Cumprensivu de Samugheo.

Po su chi pertocat s’Istitutu cumprensivu de Simaghis, is còditzis mecanogràficus chi serbint po s’iscritzioni on line sunt custus:

Po su chi pertocat Àllai s’arriferimentu est sa scola de Samugheo cun custus còditzis:

(s.m.)