Regione Sardegna
In s’Albu Pretòriu de su Comunu de Siamanna sunt publicadas is graduatòrias provisòrias de is chi tenint deretu a is contributus po su deretu a studiai.
Po s’ISEE totunu o prus bàsciu de 14.650 èurus:
- Bussa de stùdiu regionali (L.R. 5/2015) - Annu de scola 2019/2020
- Bonus po is librus (L. 488/1998) Annu de scola 2020/2021
Is graduatòrias abarrant publicadas in s’albu pretòriu de su Comunu po dexi diis avatu de pari, in s’interis is interessaus ant a porri fai is osservatzionis insoru. Passau su tempus su Responsàbili de su servìtziu at a aprovai s’elencu definitivu e s’at a incurai de pagai a dònniunu de is chi ndi tenit deretu su tanti de dinari chi ddi spetat. S’elencu est publicau in forma anònima po amparai is datus personalis cunforma a su regulamentu (UE) 2016/679 e a su Decretu legislativu de su 10 de austu de su 2018, n.101. Chini nd’at a fai domanda at a tenni totu is informus in contu de su protzedimentu e at a sciri su tanti de dinari chi ddi tocat po mesu de su nùmeru de protocollu acapiau a dònnia domanda o pregontendi in deretura me in s’ofìtziu amministrativu de su Comunu.
Po s’ISEE chi propassit is 14.650 èurus:
- Contributus comunalis po is spesas scolàsticas Annu de scola 2019/2020
- Contributus comunalis po is librus de scola Annu de scola 2020/2021
Is graduatòrias abarrant publicadas in s’albu pretòriu de su Comunu po cuìndixi diis avatu de pari, in s’interis is interessaus ant a porri fai is osservatzionis insoru. Passau su tempus su Responsàbili de su servìtziu at a aprovai s’elencu definitivu e s’at a incurai de pagai a dònniunu de is chi ndi tenit deretu su tanti de dinari chi ddi spetat. S’elencu est publicau in forma anònima po amparai is datus personalis cunforma a su regulamentu (UE) 2016/679 e a su Decretu legislativu de su 10 de austu de su 2018, n.101. Chini nd’at a fai domanda at a tenni totu is informus in contu de su protzedimentu e at a sciri su tanti de dinari chi ddi tocat po mesu de su nùmeru de protocollu acapiau a dònnia domanda o pregontendi in deretura me in s’ofìtziu amministrativu de su Comunu.
Po cali si siat informu chi pertocat is graduatòrias o su tanti de dinari assinniau fait a pregontai me in s’ofìtziu amministrativu de su Comunu de Siamanna tzerriendi a su nùmeru 0783. 449000 (internu n.5). (a.f.)