Regione Sardegna
Si fait a sciri a totu is interessaus ca si podit fai domanda po tenni is benefìtzius cunforma a sa L.162/98. Su tempus po presentai is domandas scadit su 4 de abrili de su 2021. Me in s’ofìtziu de is servìtzius sotzialis, in s’ofìtziu de su servìtziu tzivili e in su giassu ufitziali de su Comunu de Ollasta www.comune.ollastra.or.it sunt a disponimentu totu is mòdulus chi tocat a cumpilai po aprontai su pranu personalizau chi at a inghitzai in su 2021. Is mòdulus bolint cunsenniaus impari a totu is àterus documentus me in Comunu a intru, e no a pustis, de su 4 de abrili de su 2021. Is progetus nous ant a incumentzai su 1 de maju de su 2021.
Is documentus de ponni impari a sa domanda sunt custus:
- su tzertificau de disabilidadi grai cunforma a sa L. 104/92 art. 3 comma 3, de tenni in manus a intru de su 31 de martzu de su 2021. A dònnia modu, ant a essi pigadas in cunsidèriu finsas is domandas de chini at fatu sa bisita a intru de su 31 de martztu de su 2021 mancai su tzertificau definitivu si ddu lassint a pustis de cussa dii;
- s’ISEE sòtziu sanitàriu in cursu de valididadi (2021);
- sa scheda de saludi (chi depit cumpilai e firmai su mèigu de mexina generali, su pediatra sceberau o un’àteru mèigu de sa strutura pùblica o cunventzionada chi tenit in cura su malàdiu. Sa spesa de su tzertificau est a càrrigu de chini ddu pregontat);
- sa scheda sotziali (chi depit cumpilai s’assistenti sotziali paris a su malàdiu o a su tutori o amministradori de sustènniu cosa sua);
- sa decraratzioni sustitutiva de s’atu de notoriedadi chi cumprobat ca est beridadi su chi est scritu in sa scheda sotziali;
- sa fotocòpia de unu documentu de identidadi. (a.f.)
PO TOTU IS INFORMUS FAIT A TZERRIAI A SU 348.5246552