Regione Sardegna
Sa Provìntzia de Aristanis at publicau unu bandu pùblicu po giai contributus a is tzitadinus privaus chi nci bolint bogai s’amiantu de is domus, o àteras propiedadis cosa insoru, chi s’agatant me in su territòriu de sa provìntzia de Aristanis. Su tanti de dinari a disponimentu de s’Amministratzini Provintziali de Aristanis est de 268.478,74 èurus in totu. Su tantu màssimu de dinai chi si podit giai po dònnia progetu est de 5.000 èurus.
Is domandas de finantziamentu, impari a is àterus documentus, bolint presentadas a s’Ofìtziu de su Protocollu de sa Provìntzia de Aristanis a intru, e no a pustis, de su 28 de friàrgiu de su 2021 in una de custas maneras:
- me in una busta serrada, scriendi a chirru de foras: “Domanda de contributu po sa bonìfica de s’amiantu” - Ofìtziu de su Protocollu de sa Provìntzia de Aristanis, bia de Carboni sena de nùmeru-09170 Aristanis- Setori Ambienti e atividadis produtivas;
- in formau digitali a s’indiritzu de Posta eletrònica tzertificada Questo indirizzo email è protetto dagli spambots. È necessario abilitare JavaScript per vederlo. scriendi “Setori Ambienti e atividadis produtivas”.
Totu is domandas chi ant a arribai a pustis de sa dii stabilia, su 28 de friàrgiu de su 2021, (at a balit su timbru e sa ritzevuta de s’Ofìtziu de su Protocollu) no ant a essi pigadas in cunsidèriu.
Po totu is àterus informus fait a ligi su Bandu pùblicu e a castiai totu is allegaus. (a.f.)