Unione dei Comuni della Bassa Valle del Tirso e del Grighine

Si fait a sciri ca, cunforma a cantu disponit su Decretu Lei n. 124, de su 26 de santuaini de su 2019, mudau de sa Lei n.157, de su 19 de nadali 2019, incumentzendi de su 1 de gennàrgiu de su 2021, is Bonus Sotzialis (bonus po sa luxi, po su gas e po s’àcua) chi si donant in casu de dificultadi econòmica, ant a essi arreconnotus in automàticu (sena abbisòngiu de fai sa domanda) a is tzitadinus o a is famìllias chi ndi tenint deretu.

Duncas de su 1 de gennàrgiu de su 2021, is chi ndi tenint deretu non depint fai prus sa domanda me in Comunu o in su CAF po ddus tenni, e is CAF no depint prus atzetai is domandas.

A is tzitadinus o nùcleus familiaris chi ndi tenint deretu ant a essi giaus in automàticu (sena abbisòngiu perunu chi ndi fetzant domanda, custas genias de Bonus:

• Su Bonus elètricu, in casu de dificultadi econòmica (est unu scontu chi si fait in sa bulleta de sa luxi e chi mudat a tenori de comenti est formada sa famìllia. Su scontu est partziu intra de is 12 mesis de s’annu).
• Su Bonus po su GAS (est unu scontu chi si fait in sa bulleta de su gas cunforma a is disponimentus de su Comunu de residèntzia, de su nùmeru de genti in famìllia e de s’impreu chi si ndi fait. Po tenni deretu a su Bonus Gas tocat a circai su Còditzi PDR in sa bulleta de s’oferta de su Gas).
• Su Bonus ìdricu (est unu scontu chi si fait asuba de sa tarifa de s’àcua e po unu consumu de 50 litrus a sa dii. Si ponit in deretura is sa bulleta).

Po tenni deretu a totu is tres bonus, tocat a essi in una cunditzioni de dificultadi econòmica e a tenni un’ISEE chi non propassit is 8.265,00 èurus (si podit lompit finsas a 20.000 èurus sceti si su nùcleu familiari est formadu de prus de tres personas.) (a.f.)