Regione Sardegna
Si fait a sciri, a totu is chi sunt interessaus, ca sa Regioni Sardìnnia, cun sa deliberatzioni de sa Giunta n. 64/18 de su 18 de nadali de su 2020, at stabiliu de perlongai is pranus chi fiant giai ativus a sa data de su 31 de nadali de su 2020 finsas a su 30 de abrili de su 2021, cunfirmendi su tanti de dinai giai assenniau po s’annu 2020.
Is pranus personalizaus ant a essi torraus a valutai aintru de is primus tres mesis de s’annu, cun s’agiornamentu de sa scheda sotziali, de su tzerificau nou de s’ISEE 2021 e, mancai, de sa scheda sanitària noa, e ant a porri inghitzai de su 1 de maju de su 2021.
Ant finsas stabiliu cali sunt is datas po presentai is domandas noas po tenni deretu a is interbentus de agiudu po is chi sunfrint de formas grais de disabilidadi, chi ant a porri inghitzai sèmpiri de su 1 de maju de su 2021.
Is chi tenint deretu a is pranus de agiudu a sa persona, sunt sceti cussus chi tenint su tzertificau de disabilidadi grai, cunforma a s’artìculu n.3, comma 3 de sa Lei n.104/92, tzerificada a su 31 de martzu de su 2021. Ant a essi pigadas in cunsidèriu finsas is domandas de is chi, mancai su dotori apat bisitau aintru de su 31 de martzu de su 2021, ant tentu su tzertificau definitivu a pustis de custa data.
Po custu, a intru e no a pustis de su 30 de martzu de su 2021, is chi sunt interessaus est pretzisu chi presentint custa documentatzioni:
-
Domanda
-
Scheda de saludi chi at a depi fai su dotori de famìllia in su mòdulu aposta.
-
Decraratzioni sostitutiva de s’atu de notoriedadi chi atestit sa situatzioni econòmica de chini fait sa domanda – Allegau D
-
Tzertificau cunforma a sa Lei n. 104/92 art. 3, comma 3 chi no siat fatu a pustis de sa data de su 31 de martzu de su 2021.
-
S’ ISEE sòtziu- santitàriu po s’annu 2021.
Totu is mòdulus sunt a disponimentu me in is ofìcius comunalis e fait a ddus scarrigai de su giassu istitutzionali de su Comunu de Siamanna.
Is domandas, po tenni deretu a is pranus cunforma a sa Lei n. 162/98, tocat a ddas presentai a intru de sa data ùrtima de su 30 de martzu de su 2021.
Po informus e po acrarai dudas, fait a pregontai a s’ofìciu de is Servìtzius Sotzialis in custas diis: martis, giòbia e cenàbura. (s.m.)
De innoi fait a ndi scarrigai totu is documentus po presentai sa domanda:
Pranus personalizaus L.162/98 | Comunu de Siamanna