Regione Sardegna
Cun sa determinatzioni de su Segretàriu Comunali n. 1 de su 7 de gennàrgiu de su 2021, su Comunu de Ollasta at publicau su bandu po una seletzioni pùblica po pigai a traballai a un’istrutori diretivu tènnicu, categoria giurìdica D, a tempus determinau e partziali po 18 oras a sa cida, cunforma a s’art.110, c.1 de su D.lgs 267/2000, de su 21 de gennàrgiu de su 2021 a su 14 de làmpadas de su 2021.
Chini est interessau depit presentai sa domanda a su Comunu de Ollasta aintru de su 17 de gennàrgiu de su 2021 a mesunoti. No ant a essi pigadas in cunsideru is domandas, documentus o tìtulus chi ant a lompi, po cali si siat motivu, a pustis de sa scadèntzia stabilia in su bandu.
Sa domanda bolit mandada a su Comunu in una de custas maneras:
- fait a dda giai a manus me in s’ofìtziu de su protocollu;
- in sa posta cun arrecumandada a/r; depit arribai a Comunu aintru de sa dii de sa scadèntzia. Sa domanda no at a essi pigada in cunsideru si arribat a pustis de cussa dii, mancai siat stètia mandada in arrecumandada a/r aintru de su tempus;
- po mesu de unu corrieri privau;
- in sa posta eletrònica tzertificada a s’indiritzu Questo indirizzo email è protetto dagli spambots. È necessario abilitare JavaScript per vederlo.
Po totu is àterus informus, po ligi su bandu e po ndi scarrigai su mòdulu de domanda càstia innoi. (a.f.)