Regione Sardegna
Si fait a sciri a is familiaris de is chi tenint deretu a is progetus personalizaus cunforma a sa Lei n. 162/98, ca sa Regioni Sardìnnia, cun deliberatzioni n. 64/18 de su 18.12.2020, at stabiliu de giai sighidura, de su 1 de gennàrgiu de su 2021, a is progetus personalizaus chi fiant giai ativus su 31.12.2020. Sa deliberatzioni regionali previdit finsas chi is pranus personalizaus chi ant a essi ativaus a nou in su 2021 (po is chi tenint disabilidadis grais cunforma a s’art. 3 comma 3 de sa Lei n.104/1992, tzertificada a intru de su 31 de martzu de su 2021) incumentzint de su 1 de maju de su 2021. In su tempus de sa pròroga, de su mesi de gennàrgiu a su mesi de abrili de su 2021, abarrat cunfirmadu su pròpiu tanti de dinai stabiliu po su 2020, invècias de su mesi de maju de su 2021 is pranus ant a essi torraus a fai a tenori de sa Scheda sotziali, de sa Scheda de saludi (s’in casu sa situatzioni fessit mudada) e de sa situatzioni econòmica agiornada (ISEE 2021).
Po annoai sa domanda o po dda fai po sa primu borta tocat a presentai a s’ofìtziu de is servìtzius sotzialis custus documentus:
- s’ISEE de su 2021;
- su tzertificau Lei n.104/92;
- sa scheda de saludi cumpilada de su mèigu de famìllia;
- sa scheda sotziali cumpilada me in s’ofìtziu de is servìtzius sotzialis;
- sa domanda de ativatzioni;
- sa decraratzioni sustitutiva de s’atu de notoriedadi (po is chi tenint redditus po chi non tocat a pagai s’Irpef 2020)
Po ligi s’avisu e is documentus alliongiaus càstia in is giassus istitutzionalis de is Comunus.
Po àterus informus fait a pregontai o a tzerriai a s’ofìtziu de is servìtzius sotzialis de su Comunu de residèntzia.
(a.f.)