Unione dei Comuni della Bassa Valle del Tirso e del Grighine

Si fait a sciri a totu is tzitadinus, su prus a is famìllias innui ddoi at pipius chi ant a intrai a scola ocannu chi benit, ca sunt abertas is iscritzionis a sa scola elementari. Sa scola de Siapicia est giai pronta a arriciri totu is alunnus nous chi cun su prexu e sa curiosidadi insoru dd’ant a fai prus bella e prus praxili. Po fai a connosci a totus sa scola insoru is pipius e is maistus ant cuncordau unu traballu bellu meda chi ndi balit sa pena de biri. In inglesu si narat padlet, est unu muru virtuali interativu innui donniunu podit sceberai is vìdeus chi bolit biri: sa descritzioni de is ambientis de sa scola, sa presentatzioni de is mètodus impreaus e finsas unas cantu atividadis chi ant fatu is pipius. Chini bolit podit finsas nai su chi ndi pensat o lassai scritu si dd’est pràxiu.

Po biri su traballu càstia innoi.

Po àterus informus intra a su giassu de s’Istitutu Cumprensivu de Simaghis-Biddobrana a s’indiritzu http://icsimaxis-villaurbana.gov.it/

(a.f.)