Unione dei Comuni della Bassa Valle del Tirso e del Grighine

Cunsiderada sa situatzioni de emergèntzia sanitària de sa Covid-19, s’abisòngiu de pigai provedimentus po fai a mancu de sighiri a spraxi su virus e po amparai sa saludi de is prus dèbilis, su sìndigu de Biddanoa Truschedu at firmau s’ordinàntzia n.13 chi proibit, finsas a su 31 de su mesi de nadali, a totu is chi sunt arricoveraus in sa “Comunidadi allògiu e integrada Santu Nàtziu de Làconi” de bia Regina Margherita n.22 in Biddanoa Truschedu, de arriciri bisitas de familiaris o parentis. Disponit chi, finsas a su 31 de nadali de su 2020, nemus potzat intrai a sa strutura, francu totu su personali chi ddui traballat, is operadoris sanitàrius, is figuras chi serbint po fai andai a innantis sa strutura e totu is chi ant giai tentu sa dèlega finsas a su 31 de nadali de su 2020.     (a.f.)