Regione Sardegna
Si fait a sciri a totu is tzitadinus ca sunt stètius ativaus interventus po su deretu a su stùdiu po totu is studiantis de is famìllias cun una situatzioni econòmica ecuivalenti (I.S.E.E. in cursu de valididadi cunforma a su DPCM n.159/2013) a suta o totuna a 14.650 èurus.
Bussa de stùdiu regionali -annu de scola 2019/2020- (lei regionali 5/2015)
Po totu is studiantis de is scolas pùblicas primàrias e segundàrias de primu e segundu gradu (francu po totu is chi ant giai arriciu sa Bussa de stùdiu natzionali po su matessi annu)
Bonu po is librus -annu de scola 2020/2021- (art.27 lei 448/1998)
Po totu is studiantis de is scolas segundàrias de primu e de segundu gradu
Comenti presentai sa domanda
Sa domanda bolit presentada a s’Ofìtziu de su Protocollu de su Comunu de residèntzia a intru de su 30 de nadali 2020 (Scadèntzia perlongada de sa Regione Sardìnnia) Su genitori, su rapresentanti legali de su studianti o issu e totu, si at giai cumpriu is 18 annus, depint cumpilai su mòdulu chi bolit presentau paris a custus àterus documentus:
-sa fotocòpia de su ISEE in cursu de valididadi;
-sa fotocòpia de unu documentu de identidadi, in cursu de valididadi, de chini presentat sa domanda;
-po su Bonu po is librus sceti: is documentus chi cumprobant sa spesa fata (scontrinus, ritzevutas fiscalis, faturas).
Mòdulus e informus
Is mòdulus po fai domanda sunt a disponimentu in su giassu de sa Regioni Sardìnnia www.regione.sardegna.it o si ndi podint scarrigai de is giassus istitutzionalis de is comunus de residèntzia innui si podit ligi finsas s’avisu pùblicu cumpletu. (a.f.)