Unione dei Comuni della Bassa Valle del Tirso e del Grighine

In Zrofolliu no ant a stentai a acabai is traballus po su cuncordu de s’ecotzentru comunali de Is piscinalis. S’Amministratzioni comunali, difatis, at afidau s’incàrrigu po sa progetatzioni, sa ghia de is traballus, su coordinamentu de sa seguresa, sa mesura, sa contabilidadi e su collàudu de s’òpera a su Stùdiu tènnicu assotziau de inginnieria Bovo e Orrù de Santa Justa po su prètziu de 6.151,38 èurus, a tenori de s’oferta presentada de is inginnieris.

“Seus prexaus poita ca, cun custu ùrtimu interbentu, s’ecotzentru comunali at a podi aberri, frunendi unu servìtziu de importu po sa gestioni integrada de s’àliga urbana a sa comunidadi de Zrofolliu e finsas a cussas de is biddas acanta”, narat su sìndigu Pinuccio Chelo. (a.i.g.)