Regione Sardegna
Si fait a sciri ca cun sa determinatzione n.61 de su 10 de martzu de su 2023 (n. generali 95) ant aprovau sa graduatòria provisòria de su bandu pùblicu po giai contributus a “fondo perduto” po comporai e/o aconciai is primus domus in is comunus cun d-una populatzioni a suta de is 3.000 bividoris. L.R. n.3 de su 9 de martzu de su 2022, art. 13
Sa graduatòria provisòria at a abarrai publicada in s’Albu pretòriu de su Comunu de Ollasta po 10 diis a vatu de pari, cumentzendi de su 10 de martzu, e sa publicatzioni est cunsiderada comenti a comunicatzioni po chini at presentau domanda.
Totu is interessaus, si ci nd' est su bisòngiu, ant a podi fai arricursu a intru de su tempus chi sa graduatòria at a abarrai publicada, presentendi domanda scrita a s’Ufìtziu de su Protocollu de s’Enti, in d-una de custas maneras:
- Giaeindi.dda in deretura a s’Ufìtziu de su Protocollu de su Comunu, in via Angioy n. 25 in Ollasta;
- Mandendi.dda in sa posta elettronica tzertificata (PEC) a s’indiritzu: Questo indirizzo email è protetto dagli spambots. È necessario abilitare JavaScript per vederlo. scriendi in s’ogetu: “Arrecursu po sa graduatòria provisòria po giai contributus po comporai e/o aconciai sa primu domu, L.R. n.3/2022”.
Passau su tempus de publicatzioni de sa graduatòria provisòria, castiaus is arrecursus chi ant a podi arribai, su Responsàbili de su servìtziu at a aprovai sa graduatòria definitiva e at a sighiri totu su de fai po giai is contributus.
Sa graduatòria provisòria s‘agatat publicada in s’Albu pretòriu online de su Comunu de Ollasta