Regione Sardegna
S’ASPAL cpi de Aristanis at publicau s’avisu pùblicu po pigai a traballai a tempus determinau personali de impiegai in is cantieris de ativai a nou in su Comunu de Biddanoa Truschedu cun cualìfica de operaju genèricu po sa manutentzioni de su birdi.
Sa domanda de seletzioni fait a dda presentai, de su 14 de martzu 2023 a su 20 de martzu a is 14.00, sceti online in su giassu www.sardegnalavoro.it. Po fai sa domanda tocat a tenni una identidadi digitali (SPID o TS-CNS) e s’ISEE de su 2023.
Su cuntratu de traballu at a essi a tempus determinau, po 20 oras a sa cida partzidas in 5 diis de traballu, po 6 mesis in totu.
In su giassu istitutzionali de su Comunu de Biddanoa Truschedu s’agatat publicau s’Avisu cumpletu e totu s’infogràfica po fai a cumprendi comenti tocat a fai po si candidai.