Regione Sardegna
Sa Regioni Sardìnnia, s’ASPAL e is Tzentrus po su traballu lompint a su territòriu de Aristanis cun d-un atòbiu dedicau a su mundu de su traballu, a s’orientamentu e a sa formatzioni professionali.
Sa Dii de su traballu s’at a fai in Aristanis su 7 de martzu de su 2023 a is noi oras e mesu de mangianu in localidadi Pauli Cannedu- Donigala Fenughedu
Est un’atòbiu po tzitadinus, impresas e studiantis po:
- giai ocasioni a chi giait traballu e a chini ddu circat de s’atobiai a pari, de si connosci e de cumintzai a traballai impari;
- agiudai a is personis a cumprendi is abilidadis, cumpetèntzias e motivatzioni issoru;
- giai ainas ùtilis po agatai traballu e po si torrai a cualificai professionalmenti;
- s’orientai e si cunfrontai in su caminu de vida e de traballu chi s’aberit a pustis de su diploma e de sa làurea;
- fai a connosci s’oferta formativa chi s’agatat in su territòriu e is traballus de su benidori.
Po s’iscritzioni e po totu is informus fait a intrai a innoi.
Totu is informus in contu de su programma de is atòbius e de is fainas chi s'ant a fai s’agatant in su giassu giassu www.jobdaysardegna.it