Su Responsàbili de s’Àrea Amministrativa e Sòtziu-Assisentziali fait a sciri ca fait a presentai domanda po su contributu de 1.000 èurus destinau a is famìllias innui at nàsciu pipius de su mesi de gennàrgiu a su mesi de nadali de su 2022.
Is domandas de contributu bolint presentadas a intru de:
- su 16 de nadali de su 2022 a sa una (h.13.00) po is pipius nàscius de gennàrgiu a donniassantu in su 2022;
- su 31 de gennàrgiu de su 2023 a sa una (h.13.00) po is pipius nàscius in su mesi de nadali de su 2023
Podit presentai domanda po arriciri su contributu chini:
- at tentu unu fillu intra de su mesi de gennàrgiu e nadali de su 2022;
- tenit sa residèntzia de su nùcleu familiari in su Comunu de Siamanna candu nascit su pipiu;
- nci at allistrau a su pipiu in su Comunu de Siamanna;
- si impinniat a no nci cambiai sa residèntzia de sa famìllia po duus annus de candu est nàsciu su pipiu (si nono si perdi su contributu e tocat a ddu torrai a de segus)
- tenit s’ISEE de su 2022 totunu o a suta de is 30.000 èurus.
Sa domanda de contributu, paris a is àterus documentus pedius (còpia de unu documentu de identidadi e atestatzioi ISEE 2022) tocat a dda compilai e a dda firmai in su mòdulu cuncordau de s’Ufìtziu de is Servìtzius Sotzialis de su Comunu e bolit presentada a s’Ufìtziu de su Protocollu de su lunis a sa cenàbura de is 11.00 a is 13.00, mandada cun sa PEC a s’indiritzu comune.siamanna.or@legalmail.it o cun posta eletrònica ordinària a s’indiritzu ass_sociale@comune.siamanna.or.it
Su contributu s’at a giai a is benefitziàrius totu paris, a pustis de s’averiguadura de is decraratzionis de chini ddu domandat e cun provedimentu formali de su Responsàbili de su servìtziu.
S’avisu pùblicu e su mòdulu po fai sa domanda s’agatant publicaus e fait a ndi ddus scarrigai de su giassu istitutzionali de su Comunu de Siamanna.
Pro cali si siat àteru informu fait a telefonai a s’assistenti sotziali Dot.ra Gaetana Cherchi a su nùmeru 0783/449000 int. 2 o a s’indiritzu e-mail ass_sociale@comune.siamanna.or.it Siamanna.