Regione Sardegna
Su Comunu de Ollasta at cuncordau po su 8 de nadali sa manifestatzioni “Il villaggio di Babbo Natale”in via Angioy e Via De Castro de is 15.30 a is 19.30.
Una dii cun tantas fainas a tema pensadas po is pipieddus ma chi ant a praxi, de seguru, a is mannus chi ddus acumpangiant puru! Giogus, mùsica, ballus, su cannoni chi spraxit su nii, un’Ufìtziu Postali po nci mandai is litereddas de is pipius in deretura a su Polo Nord.
No ant a amancai is bancarellas cun is produtus tìpicus, artìsticus e de s’artesanau locali.
Sa Leva de su ’83, chi ocannu chi benit at a cuncordai sa Festa de Santu Antinu, at a bendi paninus e patata frìssia a totu is chi ant a lompi a su giassu issoru.