Regione Sardegna
Su Comunu de Ollasta fait a sciri ca est essiu su bandu po is misuras contras a su spopulamentu programmadas de sa Regioni Autònoma de Sardìnnia po favoressi e agiudai is Comunus sardus a suta de is 3000 bividoris, cunformas a sa Lei Regionali n.3 de su 9 de martzu de su 2022, art. 13, comma 2 lit.b), chi stabilit de giai contributus po parai fronti a sa spesa po comporai e/o po aconciai sa prima domu; primu domu bolit nai sa domu chi arresurtat in d-una categoria catastali diferenti de sa A1, A8 e A9 e innui, chini presentat sa domanda, tenit sa residèntzia anagràfica.
Su contributu chi s’at a giai at a essi de non prus de 15.000 èurus, po comporai e/o aconciai sa primu domu, a favori de is chi bivint in su Comunu de Ollastao o si ndi càmbiant sa residèntzia issoru a Ollasta de unu Comunu prus mannu de 3.000 bividoris.
Sa domanda de contributu, cumpilada impreendi sceti su mòdulu postu a disponimentu de su Comunu de Ollasta (All. A – mòdulu de domanda), firmada de chini dda presentat e paris a totu is àterus documentus pedius bolit presentada a intru, e no a pustis, de su 29 de nadali 2022 giada in deretura a manus a s’Ufìtziu de su Protocollu de su Comunu o mandada in sa PEC a s’indiritzu: Questo indirizzo email è protetto dagli spambots. È necessario abilitare JavaScript per vederlo..
Su Bandu cumpletu, paris a totu is documentus allegaus, at a essi publicau po 30 diis a vatu de parimin s’Albu Pretòriu de su Comunu e in sa pàgina printzipali de su giassu istitutzionali de su Comunu www.comune.ollastra.or.it